2016/01/31

euskal ihauterien AGENDA

Hemen dituzue euskal ihauterien inguruko informazio labur bat, Ugaoko ikasleen lan eder bat. Zuzenean gure ihauterietaz goxatu nahi izanez gero hemen duzue EUSKAL IHAUTERIEN AGENDA eta INFORMAZIOA:
INAUTERIEN EGUTEGIA
Tolosako ihauteriak aski ezagunak... Tolosa Kantari taldekideak larunbateko saioan ihauterietako kantuak izan dute oinarri, hemen duzue horietako kanta bat. Umorea, mozorroa, kantuak eta ongi pasatzeko gogoak besterik ez dira behar,... animatu eta goxatu!!

Mundakan aratusteak

Badatoz ihauteriak, aratusteak.. herri askotan ospatzen dira, modu ezberdinean eta denak erakargarriak. Hemen dituzue Mundakako aratusteak, bertan atorrak eta lamiak dira nagusi, eta bertako kantuak oso bereziak. Informazio gehiago jasotzeko begiratu hemen: Mundakako aratusteak

Santa Ageda bezpera degu, Euskal Herriko eguna

Euskal kantuzaleontzat egun seinalatua, ohitura zaharra deguna. Herri eta lurralde zabalean, modu ezberdinean kantatzen bada ere, guztiak dute oinarri berdina. Tartean holakoak esaten digute koplak: "ez gaude oso aberats diruz, ezta ere oinetakoz, bainan eztarriz sano gabiltza ta kanta nahi degu gogoz". "Santa Ageda bezpera degu, Euskal Herriko eguna, etxe guztiak kantuz pozteko, aukeratua deguna".

2016/01/26

GURE AHOTS ISILDUAK!

Behartuta sentitu dut nire burua, aurreko larunbatean Donostia 2016ko inaugurazio ekitaldiaren inguruan bi hitz gutxienez esateko. Lehen hitza ESKERRAK bertatik egindako deialdiari jasotako erantzunagatik. Hainbat kantu taldeetako kantuzaleak bertaratu ziren Donostira Mikel Laboaren kantuaz gozatzera, eta bide batez ekitaldi "erakargarri" hori zuzenean ikustera, Denak borondate onez, gogotsu eta ilusiokin. Milesker berriro.
Bigarren hitza BARKATU. Atsekabez barkamenak eskatu behar dizkizuegu, gu bezala engainatuak sentiarazi zineten guztioi. Etsipena sentitu genuen, gure benetazko papera zein zen argi ikusi genuenean. Gure ahotsak, kantatzeko grina eta ilusioa soberan ziren, dena grabatuta zegoen. 
Hala ere, gure jardunean eta zaletasunean jarraitzeko gogoa eta ilusioa ez digute kenduko. Aukera izango dugu aurten nolakoa den gure jarduna erakusteko, entzungo gaituzte. Esan bezala MILESKER eta BARKAMENAK Donostira gerturatu zinenten kantuzale guztioi. 

2016/01/19

Gaur gauean ozenki entzungo dugun kanta: Donostiako martxa

Bagera! Gu (e)re bai Gu beti pozez, beti alai! Sebastian bat bada zeruan Donosti bat bakarra munduan Hura da santua ta hau da herria Horra zer dan gure donostia! Irutxuloko gaztelupeko Joxemaritar zahar eta gazte Joxemaritar zahar eta gazte Kalerik kale danborra joaz Umore ona zabaltzen hor dijoaz Joxemari! Gaurtandik gerora penak zokora Festara! Dantzara! Donostiarrai oihu egitera gatoz Pozaldik! Inauteriak datoz! Bagera! Gu (e)re bai Gu beti pozez, beti alai!

Nafarroako jotak, hegoaldeko bertsolaritza

Interesgarria eta ausarta benetan Jose Mª Esparzak argitaratutako liburua. Gaur egun ezagutzen ditugun jotak bai musika eta letrak aurretik egina dituzte, ez da ordea beti horrela izan. Garai batean jotak bat-batean botatzen ziren, erronda eta tabernetan bereziki, eta hitzak ez ziren inolaz ere gaur egungoak bezain zuzenak. Espartzak dioenez, "Navarristek jotaren bertsio ofizial bat inposatu dute eta hegoak ebaki dizkiote. Orain ez dugu ez txori ez deus". 
Euskarazko jotak ere badira hainbat:
"Bota Erribera jota
Larragatik Gernikara
mila lore berri gara
espos goaz Iruñera"


"Raimundo Lanas ta Etxahun
Xiberu ta Nafarroa
biei kantatzen diegu
Larragako joteroak". 
Albistea irakurtzeko: ARGIA: Nafarroako jotak hegoaldeko bertsolaritza

2016/01/15

Lazkaoko gaztetxoak ere kantujiran

Patrick Frantsessena goian bego kantuzale adiskide hori!!!!

Kalez kale, plazaz plaza, herriz herri... ikusi eta ezagutu dugu Patrich. Baionan Kantuz sortzaileetako bat, ilusioz beterik urteak bota ditu bere doinuarekin, bere kitarrarekin...ingurukoen bihotzak alaitzen,.... orain berriz bere hutsunea hunkitu gaitu, eta bihotzak goibeldu. Ez dugu hitzik bere heriotzak eragin digun pena adierazteko... 
Kantuz ezagutu genuen, eta kantuz oroituko dugu.
Goian bego Patrich!!!! 

Kantuz ehortz nezate, hiltzen naizenian,
Kantuz ene lagunek harturik airian;
Kantuz ariko zaizkit lurrean sartzian;
Kantu frango utziko diotet munduian,
Kantuz has diten bethi nitaz orhoitzian.



 *Bere aldeko hileta, larunbatean (urtarrilak 16), goizeko 10:30ean, Baionako Baltet kalean, Les Cherubinots gelan izango da.

- Urtarrilaren 23an, Baionan Kantuz kantu-saioa izango du, eta "frantxenek" gogokoen zituen kantuekin oroituko dute.
- Apirilaren 23an berriz Baionan Kantuz urteurrenarekin, omenaldi xume bat eskainiko diogu gure lagun eta kantukide onari, "Frantxe" kantuz ezagutu genuen eta kantuz oroituko dugu Baionan.

Urtarrilaren 23an Donostia 2016 inaugurazioan "Baga biga" abestiarekin

2016. urtea berezia izango da bai Donostian baita Euskal Herrian, Europako kultur hiriburu izendapenak eragingo baitu bertan. Datorren urtarrilaren 23an inaugurazio ekitaldiari ekingo diote, eta horretarako kantuzaleekin harremanetan jarri dira. Gurekin kontatu nahi dute, eta kantuz hasiera eman nahi diote izendapen honi, "BAGA, HIGA" kantuarekin. Gonbidapena zabala egin nahi dugu, datorren urtarrilaren 23an, gurekin kantatu nahi duzuenok abisatu aurretik eta jakinaraziko dizuegu zer egin behar duzuen (lekua, ordua,  eta bestelako azalpenak). Inaugurazio ekitaldia arratsaldeko 20:00etan izango da, Donostiako Maria Cristina zubian,  hala ere parte hartzaileak lehenago elkartu beharko ginateke.
Esan bezala, bertan egon nahi duzuenok, bidali mezuren bat eta jarriko gara harremanetan zuekin. Animatu!.
Inaugurazio ekitaldian parte-hartu nahi duzuenontzat:
- Urtarrilaren 21ean, osteguna, TABAKALERAko kafetegitik abiatuko gara zubira.19:00tan eta beranduenez 22:00tan bukatu
-  Urtarrilaren 22an, ostirala,  TABAKALERAko kafetegitik abiatuko gara zubira.19:00tan eta beranduenez 22:00tan bukatu.
- Urtarrilaren 23an, larunbata, TABAKALERAko kafetegitik abiatuko gara zubira.18:00etan.Zeremonia 20:00tan izan arren, horrelakoetan aurretik bertan egotea komeni da. Pazientzia eskatzen dizuegu.