Artikulu ederra Lourdes Iriondo gogoratzeko BERRIAn: IZAR ETA EZIN
2020/12/23
SESTAO KANTARI taldearen bideoa
Jasotako bideoen artean abendu hasieran, euskararen egunaren baitan SESTAO KANTARI taldeak egindako bideoa zintzilikatzea ahaztu zaigu.
Beraz, hemen duzuea SESTAOn kantuaren eta euskararen alde egindako lana. Zorionak sestaotarrei.
2020/12/21
2020/12/20
"KANTUEN KONTRABANDISTA", galtzeko zorian dauden kantuen bila
Udazken honetan sortutako proiektua dugu hau. Pantxoa "Xabaltx" Bergara (musikaria eta kantuegilea), Iban Rusiñolekin batera martxan jarri dute proiektu hau. Xabaltxek Inda zaldiarekin 2 hilabetez aritu da galtzeko zorian dauden kantu horien berreskuratze lanetan.
Abenyura hauek dokumental batean jasoko dira. Bere gora-behera guztiak jaso nahi badituzue, jarraitu bere facebook orrialde honetan:
2020/12/04
URDAIBAI KANTAGUNE taldearen ekarpena XABIER LETE GOGORATZEKO
Horietako bat dakarkizuegu honera. Gernikatik omenaldi xume bat prestatu dute. Xabier Leteren kantutegitik 16 abesti aukeratu dituzte eta youtubeko kanal bat sortuta, abesti horiei ahotsa jarri diete Urdaibai Kantaguneko taldekideek.
Nahi izanez gero, sartu kanal horretan eta gogoratu Xabierrek egindako kantu horiek, elkarrekin abestuta.
2020/11/30
2020/11/29
"GERNIKAKO ARBOLA" abestia Donostiako Orfeoiaren eskutik abestuta 1958. urtean
"GERNIKAKO ARBOLA" euskaldunon ereserkia izateko bultzatzen ari diren eragileen eskutik jasotako dokumentua dugu hau. Gogorarazi nahi dizuegu, aldarrikapen horrekin bat egiteko aukera irekita dagoela eta hori horrela izateko historia, edukiak, eta aldekotasunarekin bat egiten duten zerrenda guztia honako helbidean duzuela:www.gernikako-arbola.eus.
2020ko DURANGOKO AZOKA: EGINGO DA!!!
Urte berezia aurten igarotzen ari duguna, bai, tamalgarriz oso berezia esan behar. Jarduera, emanaldi, eta kultur ekintza ugari bertan behera gelditu dira, hala ere, batzuek bilatu dute irtenbidea, horren adibidea DURANGOKO AZOKA.
DURANGOKO AZOKA BIRTUALA eskura izango dugu, eta DENDA BIRTUAL horretan erosteko aukera modu errazean. HEMEN KLIKATU eta sartu DENDAN: DURANGOKO AZOKA
DURANGON ere hainbat musika kontzertu eta emanaldi antolatu dituzte. EGITARAUA IKUSI NAHI BADUZUE HEMEN KLIKATU: DURANGOKO AZOKA-EGITARAUA
2020/11/15
BAZTAN KANTUZ: Azaroaren 15ean Arraoizen egingo dute kantujira
BAZTAN KANTUZ proiektua aurrera darrai, egoera zailetan ere, babes neurriak hartuta, ez diote kantatzeari utzi. Datorren azaroaren 15ean, goizeko 12.00etan bilduko dira, kasu honetan ARRAOIZen, Laxoa plazan. Beraiek dioten bezala, "etor zaitez, zain gaituzu!". Animo eta aurrera!!!
2020/08/28
Egoera zail hauetan, itxaropenerako mezua
Une zailak bizitzen ari gara, herrietako jai asko bertan behera gelditu dira, tartean ere gure kantujira asko, kultur ekimen ugari, elkartzeko ezintasunak, alaitasunez bizitzeko aukerak... Hala ere, egoera honetan itxaropenerako mezua zabaldu asmoz Bilboko konpartsek honako bideoa zabaldu dute. Herri eta herritar guztientzat baliagarria izan daiteke bertan jasotzen den mezua, hau da, GURE HERRIA ALAITZEN JARRAITUKO DUGULA!!!
Irailaren 5ean, "HERRIXKA" jaialdia Baionan
Datorren irailaren 5ean, Baionan kokatuta dagoen Etxepare lizeoan, "HERRIXKA" izeneko jaialdia antolatu dute. Bertan, kantua, musika, dantza eta jaia uztartuko dira.
EGITARAUA:
- 11.00etan, Baionan Kantuz taldearekin kantu saioa.
- 12.00etan, euskal dantzen lehen irakaspenak.
- 16.30ean, haurren dantzaldia
- 18.00etan, Oihana rock jaialdia
Informazio gehiago nahi izanez gero, jarri harremanetan kontaktu honetan:
GERNIKAKO ARBOLA ereserkiaren aldeko manifestua
Abuztuaren 12an, Euskal Herri osoko kantari, kantuzale eta eragile bildu ziren Iruñeako Gayarre oroigarriaren azpian, Altaffailla fundaziotik gonbidatuta, GERNIKAKO ARBOLA euskaldunon ereserkia berreskuratzeko asmoz. Hainbat argudio historikoak zein kulturalak azpimarratuz MANIFESTU bat kaleratu dute aldeko sinadurak jaso ahal izateko.
SINATU ETA ZABAL EZAZU:
lagun estimatua,
musikarekin, kantuarekin, edo kulturakin loturarik baduzu, txikia izanik ere, manifestu. hau sinatzeko eta zabaltzeko eskatu nahi dizuegu. IKUSI HEMEN:
"L'estaca" Catalunyan, "Agure zaharra" Euskal Herrian, "Mury" Bielorrusian... borrokarako kanta bihurtu da
Lluis Llachek 1968an 'L' estaca 'idatzi zuenean ereserki antifrankista gisa eta kataluniar askatasunaren alde, inoiz ezin izan zuen imajinatu soinu hori 2020an entzungo zenik garai hartan existitzen ez zen estatu bateko (Bielorrusia) presidente baten aurkako protestetan.
Eta hala da, bai, baina ez Europako punta-puntako translazio zuzen baten ondorioz. Izan ere, ordutik kantagintzak geldialdi pila bat egin ditu munduan eta Historian. Lehena, Euskal Herrian. Xabier Letek euskaratu zuen, eta Gorka Knorrek ahotsa jarri zion euskal bertsio bati, 'Gure zaharra', han 1976an; beraz, ereserkia indartsua izan zen gure herrian, frankismo ostean.
Bielorrusiako oposizioaren protesten erreferentzia bihurtu aurretik, beste herrialdeen borrokan ere erabilia izan da, adibidez Polonian 80ko hamarkadan, Lech Walesaren Elkartasun Ekitaldietan, edo duela urte gutxi Tunisiako "udaberrian", 2011n. Justiaren izenean borrokarako kanta bat bihurtu da zalantzarik gabe.
(NAIZtik jasotako artikulua: NAIZ: L'estaca)
1893ko abuztuaren 27an, Donostian gertatua!
1893ko abuztuaren 27a igandea zen, zezen eguna Donostian eta Udal bandaren kontzertua zegoen Boulevardeko kioskoan entzule talde batek "GERNIKAKO ARBOLA" jotzeko eskatu zuenean.
Bertaratutako publikoaren eskaera gorabehera, eta Alkatetzak hala aginduta, garai hartan Donostian udaran egoten zen espainiar erregeari inolako irainik ez egiteko, Udal Bandako zuzendariak uko egin zion Gernikako Arbola jotzeari, programatik kanpo zegoela argudiatuta.
Ezezkoaren aurrean, tentsioa handituz joan zen, publikoak musikariei errieta egin zien eta gazte batzuek petardo batzuk leherrarazi zituzten. Guardien saiakerak gaztea hauek gelditzeko istilu larriak sortu zituen, gobernadorea atxilotuen askatasuna agintzera behartu zutenak.
Kontzertua amaitu ondoren manifestazio bat antolatu zen. Herritarrak "¡Viva los Fueros!" eta "Muera Sagasta!" oihuen artean Londresko hotelera abiatu ziren, non Práxedes Mateo Sagasta Espainiako alderdi liberaleko eta Gobernuko burua zegoen, zeinek, errege hilarriari jarraituz, Donostian moda-modan zegoen hiriburua aristokraziaren artean udaratzea erabaki baitzuen.
Ordenako indarren-guardien presentziak ez zuen eragotzi manifestarien kontzentrazioa, atmosfera bortitza handitzen ari zen erritmo berean hazi baitzen, hotelaren kontra harriak jaurtiz. Barrura sartzeko burdin hesia salto egiteko saiakerak airera tiro eginez uxatu zituzten, harik eta hogeita hamar bat guardia zibil agertu ziren arte, gauerdia pasata, jendetzari tiro eginez, istiluek goizaldeko 4ak arte iraun zutelarik. Hiru hildako eta zauritu ugari izan ziren azken balantzean. Hiru hildakoen izenak, Vicente Urcelai, Rufino Aspiazu, Justo Perez, jendeen oroimen herrikoian geratu ziren.
Hurrengo egunetan, manifestazioak etengabeak izan ziren, Guardia Zibilaren zalditeriak sablazoz desegin zituen, zauritu eta atxilotu ugari utziz. Hiriko udalak esku hartu behar izan zuen, abuztuaren 30ean ordenako indarrak erretiratzeko eskatuz, animoak baretzeko esku hartzeko konpromisoaren pean. Bien bitartean, manifestazioak herri karlistetara zabaldu ziren eta elkartasuna adierazi zuten. Protestek Bilbora jo zuten, eta aldundiari armak eskatu zizkioten.
Gipuzkoa osoa eta Bizkaia haserre bizian jarri ziren gertatutakoaren aurrean. Bere hiribildu garrantzitsuenetatik, herria, sagastiar gobernuari hilekin eta Gernikako Arbola abestuz agertzen zen, elementu militarrek gupidarik gabe erasotzen zuten, baina herria, kaleetan sendo mantentzen zen. Jainkoak daki zer gertatuko zatekeen Euskal Herrian ordurako nazionalismoaren hazia erein izan balitz. Hau izan zen, zalantzarik gabe, azken astindu foruzalea.
2020/08/10
"Gernikako Arbola" euskaldunon ereserkia berreskuratzeko ekimena abuztuaren 12an, Iruñean.
"Gernikako Arbola" Euskal Herria/Baskoniako ereserki bezala berreskuratu asmoz, musikari eta kantarion partaidetzaren sinadurak jasotzen ari dira.
Hori dela eta, datorren abuztuaren 12an, asteazkena Iruñeako Takonera parkean, Julian Gayarre kantariaren estatuapean prentsaurrekoa egingo da, goizeko 11.30ean. Ondoren, "Gernikako arbola" kantatuko dugu.
13.30ean bazkaria antolatu da, Karmen kaleko Herriko tabernan. Egun ederra izango da, eta bertaratzeko asmoa duzuenok aurretik konfirmatzea eskatzen zaizue, honako helbideetara jakinaraziz: Gontzal Mendibil (609 471 231 / gontzalmendibil@gmail.com) edo Fundación Altaffaylla (948 988 561 / joxemari@tafalla.com)
Hemen duzue helburu horrekin sortutako manifestua:
2020/04/20
Zahartzen ari diren koruen inguruan gogoeta abian, ipar Euskal Herrian
Gara egunkarian argitaratutako artikulu interesgarria:
"Ipar Euskal Herriko abesbatzen egoeraz gogoeta prozesua abiatu berri da. Parte-hartzaileen zahartzea, zuzendarien formazioa eta partituren beharra dira lantzen ari diren gai nagusiak. Azken behar horri erantzuteko Euskal Kultur Erakundeak partiturak emanak ditu urririk bere webgunean".
Artikulua irakurtzeko: NAIZ ARTIKULUA
2020/04/19
Baionan Kantuz eta Tuntuan taldekide bat joan zaigu.
Pierre Cazenave, Baionan Kantuz sortzaileetako bat eta Tuntuna elkarteko kidea zen, zoritxarrez asteazken gauean gure ondotik joan zaiguna.
Baionan Kantuz sorrerako lehen kuadrilan lanean aritu zen, Ikastolako guraso gisa baita gitarrajole bezala, hilero 4. larunbatean hor zegoen beti gure ondoan, bere gitarrarekin taldeak behar zuen sendotasuna eskaintzeko.
Duela 8 urte Tuntuna soinularien gidaritza hartu zuen, gure kantu saioei oinarrizko musika jartzeko. Batzuetan gitarrarekin, eta azken aldian baita bere gaitarekin.
Konfinamendua dela eta, ezin izan diogu merezitako agurra eskaini. Aurtengo apirilan, 23. urtemuga ospatzeko aukerarik ere ez dugu izango. Hala ere, egoera berezi hau amaitzean guztion agurra eskaintzeko ekimena antolatuko dugu. Honen berri jakinaraziko dizuegu guztioi.
Pierre goian bego.
Apirilaren 25ean, Herrixa Kantuan balkoitik balkoira Oñatin
Aurreko hilean horrelako esperimentu bat egin omen zuten Oñatin, eta emaitza ona izan omen zuen. Gauzak horrela, bai herritarrak eskatuta, baita kantuzaleen gogo indarrak direla eta, honako proposamena zabaldu duten Oñatin.
Datorren apirilaren 25ean, zapatua, 12:30ean bakoitik balkoira kantu saioa egingo dute.
Oñatin ematen den HERRIXA KANTUAN dinamika herriko Juan de Azpiazu Musika eskolaren eskutik antolatuta dago. Beraz, animo eta segi aurrera!.
Jose Mari Esparzaren artikulua "Aberri eguna con virus"
Jose Mari Esparzak "Aberri eguna con virus" lelopean argitaratutako artikuluan euskaldunon ereserkiaren inguruko gogoeta egiten du, eta bereziki urteetan "Gernikako Arbola" abestiak zentzu horretan izan duen papera.
Artikulu interesgarria hemen:JMEsparza "ABERRI EGUNA CON VIRUS"
"Cuando en 1853 Iparraguirre cantó por vez primera el Gernikako Arbola, tocó de tal modo la sensibilidad del país que de inmediato se convirtió en el himno político más popular que jamás tuvieron los vascos. Al instante fue denominado “Himno nacional de Euskal Herria”, se identificó con la recuperación de las libertades forales y la identidad vasca, y fundió con la misma pasión a tradicionalistas, liberales, republicanos e incipientes nacionalistas."
2020/04/16
Euskal Kulturgintzaren deialdia: Greba digitala apirilaren 21-22an
Euskal kulturgintzaren ekosistema osatzen duzuen eragile guztioi: sortzaileoi, antolatzaile eta bitartekarioi (herri mugimendu, erakunde publiko, ekimen pribatu/industria), komunikabideoi, hezitzaileoi (hezkuntza arautuan, ez-arautuan, famiilian/etxe-giroan), kulturazaleoi, herrikideoi:
Apirilaren 21ean eta 22an interneten kultur edukirik ez partekatzeko deia luzatu nahi dizuegu. Bi egun horietan GREBA DIGITALA egiteko proposamena luzatu nahi dizuegu.
Ekimenaren helburuak eta argudioak hemen dituzue:
Zuen atxikimendua adierazteko honako esteka ireki eta bertan sinatu:
2020/04/15
Apirilaren 17an, 20.30ean,"KANTU POTEO ETXEKOIA"
Etxean igaro behar dugun unea hau luzatzen ari da, eta animoa ez daigun jaitsi, ostiralean, hilak 17, kantatzera animatzen zaituztegu Gabiritik zuzenean. Gabiriko herriari egingo diogun kontzertu-ekarpen txiki hau internetez ere eskainiko degu zuzenean, nahi duen oroko bere egin dezan eta une zail hauetan elkarren babesa eta gure barne indarra senti ditzagun.
Joan zaizkigunen eta hemen jarraitzen dugunon omenez; gure artean izan ezin ditugun horien omenez.
20.30ean hasiko gara kantuan, abesti zerrenda irudian duzue... prestatu zuen poteoa, zuen instrumentuak eta kanta dezagun guztiok batera! Emanaldia lotura honetan jarraitu ahal izango da:
https://www.youtube.com/watch?v=9ob1M6-a3MQ
KANTATZEN DUEN HERRIA EZ BAITA INOIZ HILKO!!!
2020/04/02
Balkoitik egonaldia kantuz partekatzeko hitzordu ugari
Etxeko egonaldi honetan umeekin abesteko proposamenak
HEMEN DITUZU PROPOSAMEN UGARI JOLASTE, KANTATZEKO, BIZITZEKO:
umeekin kantuan aritzeko aukera KIMUTXekin:
KIMUTX-KANTAK
2-7 urteko umeekin jolasteko eta kantatzeko abestien zerrenda:
URTXINTXA KANTUAK-JOLASAK
Umeak kantatzen jartzeko, edota beraiekin jolasteko, lasaitzeko, :
HITZKETA ABESTIAK-DANTZAK-JOLASAK
Euskal Telebistako 3. katearen webgunean haurrentzako abestiak, bai marrazki bizidunenak, festarakoak, jolasterakoak,... hemen:
EITB HIRU - ABESTIAK
umeekin kantuan aritzeko aukera KIMUTXekin:
KIMUTX-KANTAK
URTXINTXA KANTUAK-JOLASAK
HITZKETA ABESTIAK-DANTZAK-JOLASAK
EITB HIRU - ABESTIAK
2020/04/01
ETXEKO EGONALDIAN ERE MUNDU BAT KANTARI
Une txarretan ere euskaldunok dantzan, musikan edo kantuan gure herriaren alde positiboa eta irribarrea erakusten diogu munduari. Hemen dituzue egun hauetan jasotako makina bat adibide. Eutsi eta segi aurrera!
2020/02/28
KANTUA eta ALDARRIKAPENA otsailaren 29an
Kantuzaleen artean zabaltzeko mezua jaso dugu:
Usurbilgo Kantuzaleok kantuz manifestatzera goaz, ez bai diogu kantatzeari utziko!!
Halaber, ekimen honetara, gainontzeko kantuzaleok gonbidatzen zaituztegu gurekin bat egin dezazuen. Ekarri musika tresnak eta goazen elkarrekin kantuz manifestazioa indartzera!!!
16:30etan, aurrez elkartuko gara Easo plazako kioskoan, kantuen letrak banatzeko eta abesteko.
Elkarrekin gehiago gara eta izango gara.
Martxoaren 7an Iruinean kantuz- BERTAN BEHERA MARTXOKO KANTUJIRA
Iruñean Kantuz taldea bere kantu liburuxka berria lantzen jarraitzen du, horrela datorren martxoaren 7an, kantatuko dituzten abestien bideoak zabaldu nahi dituzte kantuzaleek abesti hauek ikasi ditzaten.
Hemen dituzue beste batzuen lastebideak:
GOIZUETAN
ARROSAKO ZOLAN
DONOSTIAKO HIRU DAMATXO
EGIA DA
GOIZUETAN
ARROSAKO ZOLAN
DONOSTIAKO HIRU DAMATXO
EGIA DA
Apirilaren 25ean Santurtzi Kantariren topaketa- BERTAN BEHERA KANTU TOPAKETA
11.00 Hamaiketakoa Mahastietako eskolako patioan, eta bazkarirako txartelen banaketa.
12.00 Mamarigara igoko gara kantatzen hasteko.
12.30 El ancla plazan abestuko dugu.
13.00 Portuan abestuko dugu.
13,30 Udaletxearen aurrean abestuko dugu.
14.00 Gernika parkean abestuko dugu.
14,30 Bazkaria Mahastietako eskolako patioan.
Bazkalondoa: talde bakoitzeko zuzendariak 2 abesti zuzenduko ditu. Oraingoz, “Aberriaren mugak” eta “Triste bizi naiz eta” baino ez dira aukeratu. Taldeetako zuzendariek gure kantutegiko bina kanta aukeratu behar dituzue; aukeratutakoan esan, mesedez.
17:30etik aurrera erromeria izango da parte hartzen duten musikarien eskutik.
19:30ean amaiera emango zaio egun eder honi.
Martxoaren 26a baino lehen eman behar da izena. Pertsona bakoitzeko 25 € sartu behar dira Santurtzi Kantariren ES86 2095 0065 31911795 2181 kontu korrontean eta kontzeptuan zuen herriaren izena eta pertsona kopurua jarri behar duzue. Ordainketaren egiaztagiria ioachabal@gmail.com helbidera edo 659005544 whatsappera bidali behar duzue.
2020/02/20
2020/02/13
Sorotan Bele Gogoan proiektua maiatzatik aurrera
Sorotan Bele taldea sortu zela 30 urte bete direnean, lehenengo doinuak berreskuratu eta formatu berrian bildu dituzte Sorotan Bele Gogoan proiektuarekin. Gorka Sarriegik eta Urbil Artolak argi utzi dute ez dela taldearen itzulera. Proiektu hau Xabier Zabala musikagilearen laguntza izan du,eta funtsean Sorotan Bele taldekideak izan ziren Gorka eta Urbilekin batera herriko bandarekin batera gogoratuko dituzte garaiko abesti esanguratsuenak. Lehenengo kontzertua maiatza amaieran edo ekaina hasieran egingo dute, eta guztira 11 kontzertu egin nahi dituzte, formatoa gehiegi erre gabe.
Garai bateko kantuak, doinuak eta letrak gogoratzeko aukera ederra.
Hemen duzue Euskari irratian eginiko elkarrizketa:
2020/02/09
KANTU KUTXA: kantuen informazioa jasotzeko beste tresna birtual bat
KANTU KUTXA izeneko ataria edota aplikazioa gure zaletasunean laguntzeko beste tresna birtuala dugu. Bertan kantuen hitzak, bideoak eta bestelako informazioa aurkitu daiteke.Informazio guztia hemen aurkitu dezakezue: BAIGURA.org/KANTUAK
LIBERTIMENDUAK kultur adierazle ikusgarriak
Antzerkia, dantzak eta kantuak uztartuz eginiko ikusgarriak dira libertimenduak. Iparraldean bereziki horrelako ekimen ezberdinak antolatzen dituzte, tartean Xiberuko pastoralak, maskaradak, toberak, eta libertimenduak.
Herriko partaidez osatutako antzezle, dantzari eta kantariak, inguruko istorioak islatzen dute ikuskizun honen bitartez.
Aspaldiko antzezpen tradizionalak izanik ere, oraindik eusten diote antolaketari, eta hemen dituzue aurten eskainiko diren libertumenduen egitaraua.
Animatu gure kultur adierazpen hau ezagutzera!
Herriko partaidez osatutako antzezle, dantzari eta kantariak, inguruko istorioak islatzen dute ikuskizun honen bitartez.
Aspaldiko antzezpen tradizionalak izanik ere, oraindik eusten diote antolaketari, eta hemen dituzue aurten eskainiko diren libertumenduen egitaraua.
Animatu gure kultur adierazpen hau ezagutzera!
Xaia ostatua, 100 urte kantuzaleen artean
Legass bezain mugalari,
gure hezur eta haragi
preziatuenen zaindari.
Egurrezko mahain, harrizko horma,
Bidasoaren atari.
Bart musean, gaur kantari,
pasoko usoen kabi...
Haizelako izan hadi!
Ostatu hau inguruko kantuzaleen topalekua ere izan da, kontzertu ugari eskaini dira bertan, kantu ikastaro, eta hamaika kultur ekimen. Bere 100. urteurrena ospatzeko egitarau zabala prestatu dute. Hemen duzue informazio guztia:
XAIA 100 URTE
2020/02/07
Otsailaren 16an BAZTAN KANTUZ Elizondon.
Berri ederra jaso dugu Baztandik, dagoeneko urtarrilaren 19an hasiera eman zioten Baztan Kantuz izenekin hasi berri duten kantu saioen ibilbideari. Lehen saioa Amaiurren izan bazuten, hurrengoa berriz Elizondon izango dute datorren otsailaren 16an, eguerdiko 12:00etan hasiko direlarik bertako plazatik.
Maiatza bitartean hilero Baztango herri bat jarriko dute kantuan. Pozgarria eta erakargarria era berean Baztango proposamena. Zorionak.
2020/02/06
Otsailaren 9an, hasiko dira Xiberuako maskaradak Altzürükuko herritarren eskutik
Xiberuko maskaradak hasi dira dagoeneko. Aurten Altzrüküko gazteek hartu dute antolaketaren lekukoa. Dantzak, kantuak, antzezpenak,... ikuskizun paregabea.
Hemen duzue 2020ko egutegia:
Otsailaren 9an Altzurukun, 16an Irurin, 23an Ezpeize-ündürain, 29an Gameren, Martxoaren 7an Idauze-Mendin, 14an Maule-Lextarren, 21ean Urdatx-Santa Gratzin, 28an Aloze-Atharratzen, Apirilaren 5ean Larrainen, 12an Barkoxen, 19an Muskildin, eta 26an Urdiñarbe-Altzürükün.
Ezagutzen ez duzuenontzat erakargarria izanik ere, komeni duzue honako informazioa aurretik irakurtzea: 10 gomendio masakaradetan ez galtzeko.
2020/02/05
Arratiako abesbatzak Ageda Deunaren kantak egun osoko kantu saioan
Arratiako abesbatzak bere ohiturari jarraituz, Ageda Deuna bezpera egunean goizeko 8etan Arratiatik abiatuta gaueko 22:00ak arte ematen du kantuan Bizkaiko inguruak zeharkatuz. Ez dugu 2020ko bideoa, bainan orain 4 urtekoa erreskatatu dugu.
2020/01/24
Hibai Etxebarriak, bere taldearekin, Benitoren kantak ekarriko ditu XXI. mendera
Pedagogoa, ikertzailea, ekoizlea eta kazetaria ere bada Etxebarria, eta musikologiaren ikuspegitik ikertua du Lertxundiren ibilbidea unibertsitaterako. Baina musikaria ere bada, eta alor horretan ere sekula ez du ezkutatu Lertxundiren eragina, 2017an Hibai izenarekin bakarkako ibilbidea hasi zuenetik.Oraingoan Benito omendu nahi du, eta horretarako 80. hamarkadako abestiak hartu eta bertsonatu ditu. Bilboko kafe-antzokian joko du urtarrilaren 23an, eta Donostian berriz otsailaren 1ean.
Elkarrizketa Badok: Hibai Etxebarria
Santurtzi Kantari bizkaitar kantuzaleen topaketa antolatzen ari da.
Asmo berri honekin ari dira Santurtziko kantuzaleek. Dagoeneko data jarri diote beraien egitasmoari, eta horrela datorren apirilaren 25ean Bizkaiko kantu topaketa antolatu nahi dute. Ohiko egitarauari eutsi nahi diote, hamaiketako batekin hasi, kalez kaleko kantujira, 5 guneetan kantu saioak eta amaitu ondoren 14.30ak inguruan herri bazkaria antolatuko dute, jakina ondoren, kantuak eta dantzak etengabe. Otsaila hasierako kantu taldeen interesa jaso nahiko lukete, beraz animatzen bazarete badakizue jarri harremanetan Santurtzi Kantari taldekoekin. Kontaktoa: Iñaki Otxoa ioachabal@gmail.com
Otsailaren 1ean, Iruñean Kantuz taldearen kantujira
Iruñean Kantuz taldeak bere kantutegi berriari gogotsu ekin nahi dio eta horrela datorren otsailaren 1ean kantujirara etortzeko gonbitea luzatzen die Iruñeako herritarrei zein kanpokoei. Eta kantutegi berri horretan sartutako hiru abestiei erreparatzen die bereziki, hemen dituzue ikasteko eta barneratzeko aukera:
"BIZI NIZ MUNDUAN""ARROSAKO ZOLAN"
"GOIZUETAN"
Bejondeizuela Iruñeako karriketan kantari zabiltzatenoi!!!
Urtarrilaren 25ean Baionan Kantuz taldearen kantu saioa
- Zazpiak oihal batetik
- Konplize ditut eta
- Ez bedi galdu euskera
- John zaharra
- Badira hiru aste
- Behin batean Loiolan
- Bortietako elürra
- Argi zirrinta zenian
- Papo gorri
- Aitormena
- Azken dantza
- Eki eder
- Baratze bat
- Peña Baiona
- Txoria txori
- Guk euskaraz
Beti Baionan kantuz, ongi izan!!!
Suscribirse a:
Entradas (Atom)