2019/06/21

Basauriko San Migel Kantari taldearen bloga aberasgarria

Herriz herri kantu taldeak eratzeaz gain, kantu talde batzuk lan bikaina burutzen ari dira. Horietako adibide bat Basaurin dugu. Basauritarrak kantuan biltzeko ahalmena izateaz gain, blog erakargarri bat sortu dute. Bertan herriko informazioa,  argazkiak, bideoak, kantu liburuxka, egutegia, jasotzeaz gain, kantuen partitura ugari zintzilikatu dituzte. Eskertu beharra dago Joseba Ibarrak egindako lana, eta guztiekin partekatzeko eskainitako aukera.
Sartu San Migel Kantari taldearen blogean eta abestien partiturak nahi izanez gero, hor izango dituzue eskuragarri. Zorionak basauriko kantuzaleei eta aurrera!  

2019/06/20

Euskal Herria Kantuz eguna, milesker denori

Euskal Herria Kantuz eguna giro ederrean igaro da, eta eskerrak eman behar dizkiegu alde batetik Xiberuko antolatzaileei (herrietako kantoreak, ikastolako gurasoak, xiberoko botza irratia,...) eta nola ez herrialde ezberdinetatik joandako kantuzale orori,.... eta kontua egin zen kantu eta ahots batez HERRI! Xiberoko Botza irratian ere jaso dute egunaren albiste:
Hemen duzue: Xiberoko Botza: "kantan badoa bihotza"

Uztailaren 14an, IX. Herri Kanta Eguna Otxandion

Dagoeneko IX. edizioa ospatuko du aurten Otxand
ion antolatutako HERRI KANTA EGUNA.
Hemen duzue Otxandiotik jasotako mezua, informazioa eta gonbitea herri zoragarri horretan egun eder bat kantuan igarotzeko.
Beste behin ere zorionak Otxandioko antolatzaileei!!

2019/05/06

Uztailaren 11an, Nafarroa Oinez Kantari


Ekainaren 29an Biarritzen, Arroka kultur elkartearen 40. urteurrena

Biarritzeko Arroka kultur elkartetik jasotako gutuna duzue hemen. Datorren ekainaren 29an, taldearen 40. urteurrenaren ospakizuna antolatzen ari dira. Zorionak!!!

Apirilaren 7an, 20tik gora soinulari elkartu ziren Biarritzeko Arroka elkartearen 40. urteurrenaren ospakizunarekin abiatzeko. Ekainaren 29an jarraipena emango dite 40. urteurrenari eta egun berezia antolatu dute.

Ekainaren 22an, Tafalla Kantuz antolatutako kantujira eta kanta-bazkaria

Tafallatik bidali digute hurrengo hitzordua. 
Datorren ekainaren 22an Baigorri abesbatzak antolatutako Tafallan Kantuz Lau Urtaroak ekimenari jarraipena egingo diote, eta eguerdiko 12:00etan Nafarroako plazatik abiatuko da kantujira, 14:00etan amaitzeko. Ondoren kantu bazkaria izango dute. 

Ekainak 15: Euskal Herria Kantuz egunerako informazioa

Ekainaren 15ean Xiberoan ospatuko dugu EUSKAL HERRIA KANTUZ eguna. Goizean Mauleko kaleak eta inguruak zeharkatuko ditugu kantuz, eta ondoren Urdiñarben egingo dugu herri bazkaria.
Lurralde eder honek merezi duen eguna izango du, animatu eta zatozte!

Ekainaren 8an, III GETXO KANTARI eguna

Hemen duzue Getxotik, Itxas Argia kantari-kanta taldetik jasotako gonbite gutuna:

Honen bitartez aditzera eman nahi dizuegu  III GETXO KANTARI EGUNA ospatuko dugula.
 Asmoa eta ilusioa aurrera doanez zuen partaidetza ezinbestekoa zaigu eta hemendik luzatzen dizuegu gure gonbidapenik berotsuena.
 Egunaren inguruan informazio guztia jasotzeko; kantu jirarena, herri bazkariarena, besteak beste http://getxokantarieguna.blogspot.com  helbide honetara jo dezakezue eta hor izango duzue behar bestekoa.
 Dena dela,  eta zalantzaren bat izatekotan itxasargiagetxokantari@gmail.com posta helbidera idatzi eta ahalik eta lasterren erantzungo dizuegu.
 Oraingoz besterik ez,  eta zuekin kontatuko dugulakoan agur bero bat.

Itxas Argia kantari-kanta

Hemen duzue informazio guztia:
III.GETXO KANTARI eguna
Datorren maiatzaren 21ean, Estokolmon ospatuko den kantaldian, Euskal Herriko ordezkaritza izango da. Emanaldi horretan Gernikako Urdaibai Kantaguneko kideak, beste lagun askorekin batera (Biarritz, Bilbo, Donostia, Erandio...). Esperientzi berri bat urtez urte, kalez kale, kantuan gure musika eta kantagintza zabaltzen aritu den taldekideentzat.
Emanaldiaren informazioa webgune honetan duzue:
ERICERICSONHALLEN KANTALDIA
Hauxe duzue emanaldiaren kartela. Beraz, hemendik zorte on, goxatu, eta zuen indar guztiekin abestu Estokolmon. Bidai on!!

Maiatzaren 19an, ARRATIA KANTUZ Zeanurin

Datorren maiatzaren 19an, jarraipena izango du ARRATIA KANTUZ ekimena. Oraingo honetan Zeanurin elkartuko dira arratiako kantuzaleak, eta kantubiran hasiko dira Zeanuriko plazatik, arratsaldeko 19:00etan. 
Ondoren, Kantu Afaria antolatu dute ohorezko gonbidatu batekin, NIKO ETXART.  
Arratia Kantuz ekimenaren hurrengo saioa Lemoan (Txoanen) izango da, arratsaldeko 19:30eatik aurrera, "Kantu bat gara" taldearen laguntzarekin. 

Maiatzaren 17an eta 19an Sestao Kantari taldearen kantu saioak.

Datorren maiatzaren 17an, maiatzeko kantu kalejira egingo dute Sestao Kantariko kideek. Hasiera arratsaldeko 19:30ean izango da ohiko tokian. Hala ere, maiatzaren 19an, kantu saioari jarraipena emanez, Bizkaiko Dantzari eguna ospakizuna dela eta, bizkaiko dantzariek antolatutako egitarauan parte hartuko dute, zehazki eguerdiko 12:00etan, Sestaoko Kasko plazan hasi eta kalez kale kantuz arituko dira. 
Kantuz eta dantzaz beteriko astea dugu Sestaon, beraz animatu eta parte-hartu kantu saio hauetan. 
Zorionak Sestao Kantari talde antolatzaileari.

Maiatzaren 12an, Herri Urrats Senperen. Kantujira Xiberoa gunean

Urtero bezala, kantuzaleok Herri Urrats ospakizunean gure tokia izango dugu, kantujiran aritzeko. Eguerdiko 13:00etan, XIBEROA gunean, hondartzan, HERRI URRATS KANTUZ saioari ekingo zaio. Euskararen aldeko ekimen honetan izan zaitez partaide gurekin batera kantuen bitartez!

2019/05/05

Maiatzaren 11an, Bilbo Kantari Arkeologi Museoarekin batera

"ERDU KULTURAZ ETA KANTUAZ GOZATZERA" lelopean Bilbo Kantari ekimenak datorren maiatzaren 11an izango du bere hitzordua, Bilboko kantuzaleak martxan jartzeko. Arratsaldeko 20:00etan Kalderapekon hasita, Santiago plazara abiatuko da, eta ondoren Arkeologi museora, Unamuno plazara joango dira gero, Korreo kalera ondoren, Plaza Berrian amaitzeko. Geldiune bakoitzean museoko adituak inguruan ikuskatuko ditugun leku esanguratsuak aurkeztu eta azalpenak eskainiko dute. Kantuzaletasuna eta Kulturgintza uztartzeko ekimen erakargarria. Zorionak!

Maiatzaren 10ean, VII Kantalaguna Plentzian


2019/05/04

Maiatzean Urdaibai Kantaguneko taldekideak Estokolmora

Kantuzaletasunak ez du mugarik, adibide argia Gernikatik datorkigu. Bertako Urdaibai Kantagune taldekideek Estokolmora joateko gonbitea jaso dute. Hemen duzue jaso dugun informazioa:

Datorren maiatzaren 18tik 22ra GERNIKAKO URDAIBAI KANTAGUNEA beste kantuzale batzuen laguntzaz (Erandiokoak, Donostiakoak, Biarritzekoak,.. e.a.) guztira 81 lagun Estokolmora joango gara bertako talde kantari batek gonbidatuta (beraiek orain urtebete egon ziren Gernikan). 
Estokolmon bertako 2 talde eta guk emango dugu kontzertu bat maiatzaren 21ean ERIC ERICSON HALLEN, ikusi: 

https://ericericsonhallen.se/

Beraz, zorionak Gernikako gure lagunei, eta ea esperientzia aberatsa eta pozgarria bizitzeko aukera duzuen. Eta bueltan argazkiak, bideoak, bidali. Bidai on!

2019/04/28

Apirilaren 30ean, XIBEROA KANTÜZ ekimena

40 urte dira Xiberoko kantari, txirulari, eta sortzailea gure ingurutik joan zitzaigula. Pierre Bordazarre Irurikoa, ezagunagoa "Etxahun Iruri" bezala, 1979ko urriaren 1ean hil zen. Xiberoko Zohardia elkarteak gogoan izan nahi du Euskal Herrian ezaguna den artista, eta datorren apirilaren 30ean, 21:00etan, Mauleko Jai Alai kiroldegian XIBEROA KANTÜZ ekimena antolatu du.

2019/04/22

Apirilaren 29an, NAFARROA EGUNA Baigorrin

Urteroko hitzordua Baigorrin, Basaizea kultur elkarteak antolatuta,  NAFARROA EGUNA ospakizuna.
Bertan, euskal musika, kantagintza, dantza, eta bestelako ekitaldi ugari izango ditugu ikusgai.
Informazio gehiago eta egitaraua ikusteko hemen klikatu:
NAFARROA EGUNA Baigorrin

2019/04/21

Apirilaren 27an, Baionan Kantuz urtemuga: 22 urte.

Apirila, urtebetetzearen hilabetea da Baionan Kantuzentzat eta hala daike larunbat huntan hogeitabigarren aldikotz. Baionako Ikastoletako gursoek abiatu urratsa, Tuntuna elkarteak hartu du bere gain helburu eta gogo berarekin, kantu herrikoia eta euskara hiri erdian biziaraztea. 
Aurten ere Baionan Kantuz ibiltari batek ospatuko du urteurrena. Hasiko da Bestetako Karrikaldik ezagutzen duen Jacques Portes plaza berritutik 11etan, oren erdi bat berantago Merkatuko hegatz perat joaiteko, gero Euskal Museo aintzinean bukatzeko. Kantu programa jada zintzilikatua da www.baionan-kantuz.eus gunean beste xehetasun ainitzekin. 
Euskara, euskal kultura herrikoia eta Baionan uztartzen dituen kantu liburutto berri ere larunbatean argitaratua izanen da, oroituz duela mende bat zela Baionako eskudoa erabakia izan, Tutunak Baionan Kantuzen ezaugarriekin ornitzen duela azalean. Hemen duzue haren irudia, liburu osoarentzat eta besta eder horrentzat, larunbata arte...


2019/04/15

Ekitaldi ugari Bilbon, Basque Fest ekimenaren baitan.

Kantu eta musika saio ugari ditugu ikusgai "Basque Fest 2019" ekimenaren baitan, apirilaren 17an hasi eta 21ean izango du amaiera. Ekitaldi ugari antolatu dira, arlo ezberdinetakoak musika, zinea, kirolak, e. a. Musika arloko saioen artean hauek ditugu: Kalakan taldearen saioa, Euskal musika tresnen erakusketa, kontzertu didaktikoa J.M Beltranen hirukotearekin, Niko Etxarten kontzertua, Oreka TX, e. a. Tartean ere kantujira izango dugu, apirilaren 18an, 13:00etan Kalderapekon hasi eta Bilboko txistu bandarekin batera kalez kale arituko dira Bilboko alde zaharrean.

2019/04/10

Apirilaren 13an, kalez kale berezia Hernanin, Xabier Lete gogoan

Datorren apirilaren 13an, larunbata, Hernaniko Kalez Kale Kantari taldeak kantujira berezi bat antolatu du. Hilero bezala eguerdiko 12:00etan Plaza Berrin emango diote hasiera kantujirari. 
Apirilaren 5ean, 75 urte beteko zituen Xabier Lete poeta eta kantariak, eta hori gogoan haren kanta ezagunenak abestuko dira ibilbidean zehar; batez ere bukaeran Zapa kalean. 

Apirilaren 10ean, Sestaon Kantaldia


2019/04/05

Euskal Herria Kantuz eguna KARTELA prest, laster berri gehiago!


KORRIKA KANTUZ datorren apirilaren 14an Gasteiz Kantuz eskutik


Amezketan ere Korrika Kantari

Korrikaren inguruan makina bat ekimen antolatzen dira, euskararen alde KLIKA egiteko beste modu bat. Korrika amaierarako Gasteizen kantujira antolatu duten bezala, ez dira gutxiago herri txikietan antolatutako kantu saioak. Adibide gisa Amezketako kantuzaleek antolatutako KORRIKA KANTARI, datorren apirilaren 11an, osteguna, arratsaldeko 19:00etan, Arkaizpen. 
Amezketako kantuzaleak ere gure sarean sartu ditugu, eta beraien jardueren berri ere izango dugu aurrerantzean. Animo eta aurrera!!!

Pasai Antxoko KANTUJIRA iruditan

USURBIL KANTUZ Martxoaren 30eko ekimena iruditan

IRUÑEAN KANTUZ kantujiraren irudiak: Martxoak 2.

2019/03/13

Martxoaren 23an, Tafallan Kantuz lau urtaroak



Iparra-Hegoa 2019: Baigorriko laburpena eta laster Seguran

Bideo honetan aurreko martxoaren 9an, Baigorrin ospatutako IPARRA-HEGOA ekimenaren laburpena duzue. Datorren martxoaren 25ean berriz Seguran emango zaio jarraipena ekimenari martxoaren 31an amaitzeko, aurten "Herria josten euskaraz" lelopean.

Usurbilgo Euskal Kantu taldearen 10. urtemuga


Hemen duzue Usurbilgo Euskal Kantu taldetik bidali diguten gutuna eta beren 10. urteurrena dela eta antolatu dituzten ospakizun ekimenen informazioa. Zorionak eta segi aurrera!

2019/03/11

Biarritzeko ARROKA taldeak aurten 40 urte beteko ditu.

1979ko azaroan ARROKA elkartea sortu zuten Biarritzen, beti ere euskal cultura, gure hizkuntza, eta bestelako jardunak garatzea eta sustatzea izan zuten. Dagoeneko 40 urte pasa dira, eta orain arte egindako ibilbidea gogoan hartu eta ospatu behar dute.
Dagoeneko ekimen ezberdinak prestatzen ari dira, tartean bi ekimen hauek:
- Datorren apirilaren 7an, soinujole edo akordeoilarien elkarretaratze bat antolatu dute. Goizeko 10:30ean, Kasion ondoan abiatuko dira kantalasai batekin. Kalez kale ibili ondoren, 14:00etan bazkaria egongo da musikarientzako. Arratsaldean berriz KORRIKA pasa bitartean musikaz girotzeko aukera izango da. Ekimen honetan parte hartu nahi dutenak jarri harremanetan kontakto honekin: arroka@arroka.org edo telefonoz: 06 34 21 55 38.
- Datorren ekainaren 29an ere ekimen berezia antolatzen ari dira, hala ere, honen inguruko informazio zehatza aurrerago bidaliko dizuegu.

2019/03/05

Zer da kantatzen duguna? Informazio interesgarria Xiberoko Botza irratian

Ba ote dakigu zer edota zeri kantatzen diogun?
Irratsaio interesgarria sortu dute Xiberoko Botzan. Kantuen hitzak aztertu eta horien esanahiak azaleratzen dituzte. Irratsaio horretan kantuen inguruan aditua den Allande Zokarrosen laguntza eta aholkularitza dute.
Astero abesti ezberdinak lantzen dituzte.
Entzun nahi baduzu irratsaioa klikatu lasterbide honetan: KANTORE KRONIKAK ORRO HEBEN 

Korrika edizio guztietako abestiak entzungai


Hemen dituzue entzungai korrikak bere hasieratik gaur arte  izan dituen abestiak guztiak. Urtez urte, abesti bat amaitu eta hurrengo urtekoa  ondoren entzungo duzue.

2019/02/21

Usurbilgo kantujira: Urtarrilak 26

Gabriel Aresti eta Oskorriren lehen urratsak gogora ekarriz


 

Josu Larrinagak BADOK atarian argitaratutako kronikan, Gabrile Arestik gizartean izan zuen eragina eta Oskorri taldearen hastapenak gogora ekartzen digu.
"Poesia soziala egiten zuen Arestik, euskaraz, eta politikoki ere kokatuta eta markatuta zegoen, eta horrek ekarriko zion berari, eta Oskorriri ere, boikot deiak jasotzea abertzalegoaren zenbait sektoretatik. Baina, gaur egun, oso figura ezaguna eta ezagutua da Aresti, eta Oskorrik ere euskal musikaren esparruan leku zentrala bete izan du hainbat urtetan."
Lagun desagertuaren minez ernatutako geroa izenburuarekin bere kronika irakurtzeko aukera, hemen duzu:
BADOK, Josu Larrinagaren kronika.

2019/02/01

Arratia Kantuz 2. urteurrena ospatzeko egitarau berezia

Bigarren urte honetan ARRATIA KANTUZ osasuntsu dugu, eta bertako herrietan kantu saio ugari antolatzen dituzte. Hori dela eta, datorren otsailaren 16an, Areatzan, 2. urteurrenaren ospakizuna antolatu dute. Egitarau bikaina: Udal aretoan Anje Duhalderen kantaldia izango dute 18:00etan; ondoren kantu poteoa herritarra "Kantu Bat Gara" taldearen laguntzaz; eta amaitzeko nola ez,... herri afaria, kantu eta guzti.
Bertara joan nahi dutenek, hor duzue kontaktorako telefonoa: 656 784 982
Zorionak arratiar kantuzale guztiei eta segi bide beretik, ARRATIA KANTUZ!!!

IHAUTERIAK EUSKAL HERRI OSOAN

Dagoeneko hasiak dira ihauteriak, Ituren-Zubietakoak irudian ikusi ditzakezua. Bainan, asko dira oraindik ikusteko, goxatzeko eta bizitzeko. Euskal Herriko ihauterien inguruan informazioa nahi izanez gero www.INAUTERIAK.com webgunea ikusi, bertan herrialdez herrialde ihauterien zehaztasunak dituzue. Begiratu hemen: EUSKAL HERRIKO INAUTERIAK

Otsailak 4, Santa Ageda bezperan kantu saio ugari Euskal Herrian

Euskal Herriko txoko, eskualde, eta herri askotan ohitura zaharrari eutsiz Santa Ageda bezperan irteten dira kalera kantu-eskean. Eskutan eramaten diren makilen bitartez, kantuari erritmoa jartzeaz gain, lurrari kolpeka aro berri bati deika eta lurrari esnatzeko deia luzatzen zaio. Bertsoak, kantuak, makilak, eta gure eskari-eskaintzak uztartuz Euskal Herriko tradizio zahar bati segida emateko aukera paregabea... Eguraldiari beldurrik ez eta goazen kalera kantu eskean.
Adibide eta deialdi ugari dira, eta honetan Durangon Berbaizu taldeak eginikoa jarri dugu, otsailaren 4an, 19:00etan San Pedro plazatik abiatuko dira kantuan. Eup!

Santurtzi Kantari bere kantu-liburuxka berria sortu dute



Santurtziko kantuzaleek badute beren kantu-liburuxka berria, horren aurkezpena Tele7ko elkarrizketa baten azaltzen digute. Bide batez, Santa Ageda bezperako ere herriko kantu talde ezberdinak uztartu nahi dituzte, elkarrekin kantu-saio bateratu bat egiteko. Hemen dituzue azalpenak:
 
 


Maddi Zubeldia, bere hirugarren diska argitara eman du.

Maddi Zubeldia, Ziburuko kantuegilea, bere hirugarren diska eman du argitara: ZIMURRAK BALEKI izenburupean. Urteetan hezkuntzan lanean aritu arren, denbora gutxi da oholtzetara emandako jauzia. H-eden taldelagun zuela, 2 diska eman zitun argitara: amaika aztarna 2013an eta Intimitartean 2015ean. Idazlea, ipuin kontalaria, kantaria eta kantu sortzailea. Zorionak Maddi.

2019/01/09

Urtarrilaren 26an, Usurbilen kantujira

Urte berriarekin batera, badatoz herrietan antolatutako kantu saioen hitzordu berriak ere. Oraingoan, Usurbilgo informazioa jaso dugu. Datorren urtarrilaren 26an, larunbata, 12:30ean hasiko dira kantuan Mikel Laboa plazatik abiatuta. Horrela, kalez kale kantujiran, 14:00ak arte.
Usurbilgo kantujira indarrez amaitu eta hasi zaigu. Segi bide beretik! 

Baionan hitzaldia: "Euskal kantuaren intonazio berezia"

 
Iparraldeko herri-kantaera tradizionalak dituen ezaugarrien artean, bada bat nortasun berezia ematen diona eta adituak aspaldidanik harritu izan dituena: intonazio neutro edo erdibidekoa deitzen ahal duguna.
Agustin Mendizábal etnomusikologoaren eskutik hitzaldi-ikastaro interesgarri hau eskainiko dute datorren urtarrilaren 17an Baionako Euskal Museoan, arratsaldeko 18:00etan.
Informazio gehiago: Euskal Kantuaren Intonazioa

Urtarrilaren 12an, BILBO KANTARI

Urtea zaharra kantuz amaitu eta urte berria ere kantari hasiko dugu  Bilbon ere bai.
Datorren urtarrilaren 12an, arratsaldeko 20:30ean, Kalderapekon abiatuko da Bilboko kantujira.
Honek ez du etenik, animatu eta parte-hartu larunbateko kantujira honetan.

Urtarrilaren 11an, Bilbon "Zuek heben gaualdia" ekimena

Ekimen berritzailea antolatu dute "hebentik" elkarteko xiberotarrak, Bilbon gauzatuko dena datorren urtarrilaren 11an. "zuek heben gaualdia" izendaturiko ekimena, "Euskal Herriko atlas geopoetikoa" barnean.
Ekimen honetan artisten musika eta kantuekin batera, Bilbon jasoko dituzten hitzekin, soinuekin eta argazkiekin osatuko dute bertako atlas geopoetikoa.
"Hebentik" xiberoan sortutako elkartea edo gunea da, artearen eta sorkuntzaren gunea hain zuzen ere. 2004an sortutako proiektua dugu. Herritarrengandik sortutako proiektua dugu hau, Euskal Herriko errealitatean bermatuz, euskarazko sorkuntzak eskaini etabeste herrialdeekin partekatu nahi dituzte, tradizioa eta arte garaikidea uztartuz, xiberotar eta manexen arteko partekatzea bultzatuz, ... Egitasmo interesgarria benetan.
Zuzenean ezagutzeko gogoan izan hitzordua: Urtarrilaren 11an, Plaza Barrian, Euskaltzaindiko aretoan, arratsaldeko 19:00etan.
 
Informazio gehiago hemen: HEBENTIK

Urtarrilaren 5ean, IRUÑEAN KANTUZ kantujira

Urtarrilaren 5ean, urteko lehen kantujira egin zuten Iruñean. Hemen duzue bertan jasotako bideoa. Milesker Guillermo Arbeloari.

2019/01/03

Mikel Laboa gogoan Urumea ibaian egindako kantujiran.

Abenduaren 30an, Donostian, Loiolako Erribera auzoko kantuzaleek antolatu dute kantujira bitxi hau. Urumeako ureetan txalupa batean sartu eta kantuz zeharkatu dute Donostiako itsas-bazterrak.

Mikel Laboa oroituko dute heriotzaren 10. urtemugan



 10 urte beteko dira Mikel Laboa hil zela. Ekimen ugari antolatu dituzte bere kantuak eta bere izana gogoratzeko. Tartean hauek:
- "LABOALDIA" jardunaldiak Azpeitian, azaroaren 21tik abenduaren 1era.
- Urretxu-Zumarragan berriz, abenduaren 1ean kontzertu bat eskainiko da Laboaren kantuekin.
- Uztaritzen ere, abenduaren 1ean, "mugak, laboari omenaldia" ekimena antolatu dute.
- Baionan, abenduaren 1ean, "izarren hautsa" ikusgarria eskainiko dute Baionako euskal museoan, Maialen Alfarok eta Philippe Alborrek.
- Donostiako Antigua auzoan, Mikel Laboa plaza inauguratu zuten ekimen berezi batekin. Hor duzue bideoa.
Informazio gehiago: Mikel Laboa heriotzaren 10. urtemuga

zeintzuk dira 2018ko zure kantu kuttunenak?

BADOK atariak 2018ko kantu kuttunen zerrenda jaso du. Horretarako, musikagintzan adituak diren hainbat pertsonen aukeraketak jaso dituzte.
Argi dago, generazio berria datorkigula euskal musika munduan, eta hauen berri ere izan beharko dugula.
Argazkian IZARO kantaria, beste harribitxi berria gure kantagintzan, eta 2018ko kantu kuttunen zerrendatan sarritan sartzen dena.
Hemen duzue aukeratu dituzten kantu esanguratsuenak:
2018ko kantu kutunen zerrendak

"hator neska-mutil etxera" ikuspegi inklusiboaren aldeko ekimena sortu dute Berrizen

Urte bi dira Berrizko Kantu Lagun taldean hamabostean behin biltzen hasi zirela. Euskal kantutegiko hainbat abesti kantatzen zituzten bertan eta haietako batzuk abesterakoan ez ziren hain eroso sentitzen, beraz, gaur egungo testuinguruaren arabera moldatzea pentsatu zuten. Egitasmoaren nondik norakoak idatzi eta Berrizko Udalaren laguntzari esker HATOR, NESKA-MUTIL ETXERA proiektua martxan jarri dute herriko sortzaile talde batekin.Informazio gehiago hemen:  hator-neska-mutil-etxera

Gabonetarako kantu ederra Josu Bergarak sortutakoa