Euskal Herria Kantuz: febrero 2026

2026/02/28

BILBO KANTARI kantu-liburuxka berritua argitara eman du.

Bilbo Kantari taldeak kantu-liburu berria argitara eman du, aurretik 2007an eta 2014an egindako lana osatu, hobetu eta eraberritu egin du, bere liburuxka berria publikatuz. Kantu-liburu berri honek baditu bere berritasunak, adibidez kanta bakoitza QR bat dauka eta horren bitartez, kantuaren bideoa ere ikus daiteke. Guztira 183 kantu agertzen dira guztira eta horietatik 40-60 kanta berri ditu. Kantu liburuxka hauek Bilboko kantujiratan 3 euroren truke eskuratu daitezke. Hurrengo kantujira datorren martxoaren 14an izango da iluntzeko 19.30ean. Zorionak Bilbo Kantari eta aurrera!

Bilbo Kantari kantu-liburuari buruzko elkarrizketa Bizkaia Irratian entzun: Bizkaia Irratia

BIDEOA: Otsailaren 21ean egindako SARTAGUDAN KANTUZ kantujira

2026/02/23

Jose Antonio Villar abeslaria eta aktore oñatiarra hil da.

Ostiralean, otsailaren 20an Jose Antonio Villar hil zen. Euskal kantagintzan, Ez dok amairu taldean murgilduta aritu zen.

Ez dok Amairu taldeak 1966an emandako jaialdi gehientan parte hartu zuen Jose Antonio Villarrek. Bakarlari gisa hasi zen kantari eta geroago 2 disko txiki grabatu zituen Arrasate orkestarekin Goiztiri diskoetxearentzat. 60ko hamarkadaren erdialdera, "euskal ye ye" esan izan dioten kantugintza modernoaren ahots nabarmenetakoa izan zen Villar. Aktore lanetan ere aritutakoa da Goenkale telesailean.

BIDEOA: Donostia Kantari otsailaren 21ean

MARTXOAK 3, Anje Duhalde + 250 ikasle KANTUZ, Donibane Lohizunen.

OTSAILAK 28, Baionan Kantuz, Euskal Museoan 11:00etatik aurrera

Otsailaren 28 huntan dugu Tuntuna elkartearen Baionan Kantuz hitzordua, Euskal Museo parean, non ez den aroa alde, orduan Albert 1eko eskolan aterbetuko baita usaian bezala. Programa airosa xirikordatu daukate baiones kantariek oraikoan ere, kantu berri batekin, Xabier Leteren "San Martin azken larrosa", Georges Brassens kantuaren "Saturne" kantuaren egokitzapen bat, ongi doana ekitaldi horren jarraitzaile segitueneri San Balentin ospatu den hilabete huntan. Oroituz ihauterian garaia dela, "Trapu zaharrak" Iparragirrerena ere xaramelatua eta antzerkitua daike, bai eta ere En Tol Sarmiento taldearen "Zurekin batera".

2026/02/06

GONTZAL MENDIBIL: 50 urte KANTAGINTZAN

Urtarrilaren 21ean BILBOKO ARRIAGA antzokian 50 urteko kantu ibilbidea oroituz kontzertua eskaini zuen Gontzal Mendibilek. Beste hainbeste emanaldi eskainiko ditu aurten. Interesgarria berari eskainitako elkarrizketa Arratiako BEGITU aldizkarian. Elkarrizketa irakurtzeko sartu hemen:

BEGITU: Gontzal Mendibil

PANTXOA eta PEIO: ELKARRIZKETA

"HUNKIGARRIA EGITEN DA GAURKO BELAUNALDIAK GUREARI DION ERRESPETUA".

Elkarrizketa guztia irakurtzeko, sartu hemen: PANTXOA-PEIO Elkarrizketa

2026ko EUSKAL HERRIA KANTUZ eguna: GASTEIZEN datorren MAIATZAREN 30ean.

Gasteiz Kantuz taldearen eskabideari erantzunez, EUSKAL HERRIA KANTUZ eguna antolatzeko lehen bilkura egin da. Lan talde sendoa, ilusioz beteta, eta eguna ahalik eta ongien antolatzeko konpromisoarekin. Gasteizera joateko asmoa duzuenok gorde zuen agendan maiatzaren 30eko eguna. Epe laburrean, informazio gehiago jasoko duzue. Animo eta aurrera!