KONTRAPAS ikusgarria, Donazaharreko danborrada peñak bultzatzen du bere 30. urtemugaren kari, ikusgarri bat 150 donazahartar baino gehiagok eremanen dutena, kantu, dantza, musika, antzerki, bertsulari eta nolaz ez danborrada parteekin.
2026/07/15
UZTAILAK 19/24/26, LURDES IRIONDO PASTORALA, SOHÜTA HOKIn
.jpg)
Lurdes Iriondo (1941-2005) kantariari eskainiko diote 2026ko udako pastorala Sohütan. Intza eta Leire Casamajou Elkegarai ahizpek idatzi dute obra. Guztira 80 bat sohütar eta hokiar ariko dira parte hartzen, bai taula gainean eta bai antolakuntza lanetan. Battitta Berrogainek egingo du errejent lana, dantza zuzendari lanetan Fabrice Pinke aritu da, kantu arduradunak Pascale Elitxondeborde eta Jean Louis Bidabe Aranburu dira.
Informazio, argazki eta bideo gehiago hemen: Lurdes Iriondo pastorala
Sarrerak/Bazkari txartelak eskuratzeko hemen: Sarrerak / Bazkariak
2026/07/12
2026/07/10
2026/07/09
2026/07/08
2026/06/18
.jpg)
EKAINAK 21, BAIONA KANTUZ Musikaren besta egunean; goizeko 11:00etan Albert 1er eskolan (muxikoekin hasiko da besta)
Informazio gehiago nahi izanez gero hemen klikatu: Baionan Kantuz - MUSIKAREN BESTA
2026/06/12
EKAINAK 13, Amaia Zubiriaren abestiekin KANTUJIRA, Usurbilen, 12:00etan Mikel Laboa plazatik abiatuta.
Usurbilen ikasturteko azken kantujira, Amaia Zubiriaren inguruan. Datorren larunbatean, ekainak 13, Kantujira berezia egingo dugu Amaia Zubiriaren abestiekin. Zubietako alabak euskal kantugintzari egindako ekarpen itzela aitortu nahi dugu era honetan. Helburu horrekin kantu-bilduma bat osatu dugu bere ibilbidean zehar abestutako kanta ezagunekin. Animatu parte hartzera!
HITZORDUA: 12.00etan Mikel Laboa plazan. Bukaera berarekin egingo dugu, 13.30ean Zumetaren muralaren gerizpean. USURBIL KANTUZ.
2026/06/09
EKAINAK 13, EUSKALTZALEON KANTUJIRA, 12:00etan Mercaderes kaletik abiatuta (Iruñazarra ostatu aurrean)
Iruñean Kantuz taldearen mezua:
Ekainaren 13an, eta Iruñean Euskaltzaleon Kontseiluak antolaturiko EUSKALTZALEON MARTXA iraganen da arratsaldean. Horren kariaz KANTUJIRA bat egitea proposatu dute, Iruñean Kantuz egiten dugun molde berean egitekoa.
Euskaltzaleon Martxa arratsaldean egingo da, eta hiru zutabe abiatuko dira hiru tokitatik, ondoren hiruek bat egiteko Gazteluko plazan.
Eguna osatzeko, eguerdian KANTUJIRA bat egitea da gure asmoa. Bisitariak izanen dira (musikariak eta beste ere bai) eta antolaketan jadanik batzuk laguntzeko prest daude (Orreaga fundazioa, ...).
Mezu honen xedea da informazio hau zuei helaraztea eta laguntzeko animatzea, bainan baita zuen taldeetan zabalkundea egin eta egun horretan parte hartzeko.
2026/06/06
EUSKAL HERRIA KANTUZ eguna, milesker Gasteiz Kantuz talde antolatzaileari eta Euskal Herriko kantuzale-musikari guztiei
Maiatzaren 30ean Gasteizen ospatu genuen 2026ko EUSKAL HERRIA KANTUZ eguna. Egun bikaina, eta giro paregabea. Gasteiz Kantuz taldea arduratu zen egun honen antolaketaz, eta eskertu eta zoriondu beharra diegu egindako lanketa guztiagatik. Bide batez ere milesker Euskal Herri osotik etorri ziren kantu talde guztiei, bai kantuzale modura baita musikari bezala. Milesker guztioi... "eta kontua egin zen kantu, eta ahots batez herri!".
2026/06/02
2026ko SANFERMINETAN KANTARI PREST. Hemen duzue informazioa!
Konturatu baino lehen, hor daude berriro Sanferminak... eta berarekin batera SANFERMINETAN KANTARI!!! Ez galdu aukera: giro ezin hobea, musikaz eta kantuz bete-betea. Eta bukatzeko BAZKARI ederra, aurten leku zoragarri batean: TAKONERA LORATEGIAN. Nafarroa Oinez txiringitoaren ondoan. Beraz animatu eta laster arte, kantuzale!
2026/05/29
EKAINAK 6, IRUÑEAN KANTUZ, hileroko kantujira. EKAINAK 13, "EUSKALTZALEON KANTUJIRA", 12:00etan Mercaderes kalean (Iruñazarra ostatuaren aurrean)
Iruñean Kantuz taldearen mezua:
Ekainaren 13an, eta Iruñean Euskaltzaleon Kontseiluak antolaturiko EUSKALTZALEON MARTXA iraganen da arratsaldean. Horren kariaz KANTUJIRA bat egitea proposatu dute, Iruñean Kantuz egiten dugun molde berean egitekoa.
Euskaltzaleon Martxa arratsaldean egingo da, eta hiru zutabe abiatuko dira hiru tokitatik, ondoren hiruek bat egiteko Gazteluko plazan.
Eguna osatzeko, eguerdian KANTUJIRA bat egitea da gure asmoa. Bisitariak izanen dira (musikariak eta beste ere bai) eta antolaketan jadanik batzuk laguntzeko prest daude (Orreaga fundazioa, ...).
Mezu honen xedea da informazio hau zuei helaraztea eta laguntzeko animatzea, bainan baita zuen taldeetan zabalkundea egin eta egun horretan parte hartzeko.
Bitartean, EKAINARAN 6an, lehen larunbatean, gure "IRUÑEAN KANTUZ" egingo dugu, hilero bezala. Hor ere ekimen honen berri emanen dugu.
Ongi izan, segi kantari!"
DENA PREST dute Gasteizen euskal kantuzaleei ongi etorria emateko eta EUSKAL HERRIA KANTUZ ozen entzuteko!
EUSKAL HERRIA KANTUZ egunaren helburu nagusia herrialde ezberdinetako kantuzaleok elkartzea da. Ekimen irekia da, beraz hor doakizue kantuzale guztioi gonbidapena, MAIATZAREN 30ean Gasteizen kantuz elkartzeko eta aritzeko!!!
Egitaraua:
11:00etan, Kantuzaleei ongi etorria Gasteizko Probintzia plazan. Hamaiketakoa.
11:30ean, Hasiera emateko kantuak.
12:00etan, Kalez kaleko kantujira.
13:00etan, goizeko kantu saioaren amaiera Azoka plazan.
14:30ean, Herri bazkaria Iradier Arenan.
17:00etan, Kantu Taldeen Kantu saioa eta jauzi dantzak Foruen plazan.
2026/05/22
PANTXOA eta PEIO, datorren ekainaren 21ean jasoko dute "ADARRA" saria.
Peio Ospital: "Zerrenda ospetsuan sartu gara. Ez dakit hainbeste merezi dugun, bainan gustura jasoko dugu saria".
Pantxoa Karrere: "Gure kantaldiak bukatuko dira, baina makila hori pasatu nahi diegu etorriko diren belaunaldiei".
MAIATZAK 30, EUSKAL HERRIA KANTUZ eguna GASTEIZEN. EGITARAUA.
EGUNEKO EGITARAUA / PROGRAMA
11.00 - KANTU TALDE GUZTIEN TOPAKETA Probintzia Plazan (Aldundia). Encuentro de grupos en la plaza de la Provincia (Diputación)
12.00 - Ongi etorria, kantuak eta KANTUJIRA ibilbidearen hasiera. Bienvenida, y comienzo de la kantujira.
14.00 - KANTUJIRAren amaiera Santa Barbara-Azoka plazan. Finalización de la kantujira en la plaza del Mercado-Santa Barbara.
14.30 - HERRI BAZKARIA Iradier Arenan. Comida popular en el Iradier Arena.
17.00 - Bazkalosteko KANTU SAIOA eta JAUZI-DANTZAK Foruen Plazako Pilotatokian. Musica, canciones y danzas despues de la comida en lel Frontón de la Plaza de los Fueros.
2026/05/15
IBAI REKONDO kantaria hil da.
71 urte zituela joan zaigu IBAI REKONDO kantaria. 1959 urtean Caracasen jaio eta 8 urtekin etorri zen Euskal Herrira, Zarautzera hain zuzen ere. Euskal Herriaren egoera politikoari estu loturiko bi disko argitaratu zituen, "Aseari". Gai ugari landu zituen bere kantetan, "Amaiurko gaztelu baltza", "Naturari kantua", "abertzalea jaio nintzen", "Euskal andreari", "Burgosko prozesua",.... eta bideo honetan (eskerrak Josean Lasaren bideoari) entzungai dugun "Ezin dut kanta" (Bitoriano Gandiagaren poesia). Milesker eskainitako abesti eta une hunkigarriengatik. Goian bego Ibai.
MAIATZAK 16, DONOSTIAko KANTUJIRA, Plaza Berrian hasitan 12:00etan
2026/05/12
2026/05/11
MAIATZAK 11-29, "LAGUNEKIN KANTARI" Donostiako Intxaurrondon
Maiatzak 11, Iker Lauroba; Maiatzak 18, Kattalin Indaburu + Filip Albor; Maiatzak 25, Etxekoekin kantari; eta Maiatzaren 29an Kantujira. Informazio gehiago: Donostia Kultura: Lagunekin Kantari
2026/04/22
BARDOZEN KANTUZ: Lapurdiko beste talde bat Euskal Herria Kantuz sarean. Ongi etorriak!
Bardozen Kantuz taldearen mezua jaso dugu. Poztekoa da Euskal Herriko beste txoko batean euskal kantagintza hedatzeko talde bat sortzea, kasu honetan, Lapurdiko BARDOZEN KANTUZ. Ongi etorriak gure sarera eta ea elkarrekin kantuan aritzeko aukerarik dugun. Bardozen hileko 3. ostiral gauean (18:45ean) elkartzen dira Salhako gazteluan. Beraiekin harremanetan jartzeko sartu taldearen WEBGUNEAN: BARDOZEN KANTUZ
EUSKAL HERRIA KANTUZ egunerako KANTU ZERRENDA
Hemen dituzue datorren maiatzaren 30ean
Gasteizen, EUSKAL HERRIA KANTUZ egunerako prestatuko ditugun kantuen zerrenda. Hala ere, egun hauetan ohikoa izaten da bestelako kantuak ere elkarrekin abestea, inolako mugarik gabe.
Gogoratu izena emateko eguna datorren APIRILAREN 24an amaitzen dela, eta ondorengo esteka honetan eman dezakezuela izena: EH KANTUZ eguna
APIRILAK 25, "Krabelinen iraultza" gogoratzeko KANTUJIRA DONOSTIAN, 19:00etan Donostiako Plaza Berrian
Orain dela urte pare bat, GRANDOLA VILA MORENA kantuz atera zen Parte Zaharreko kaleetan, apirilaren 25ean, hain zuzen KRABELINEN IRAULTZAREN urteurrenean. 2025ean errepikatu egin zen kantujira hori, eta aurten 2026an, hirugarren hurtez irtengo dira kantari. Krabelinen iraultza sinbolo bat da, munduko jende askorentzat, eta Grandola Vila Morena, iraultza horri bidea eman zion abestia, sinbolo bilakatu zen era berean.
Aurten, une historiko hori gogoratzeaz gain, munduan ematen ari diren hainbat gerra eta injustizi gogora ekarriko dituzte kantuen bitartez Donostiako Alde Zaharrean. Hitzordua: Apirilaren 25ean, larunbata, arratsaldeko 19.00ak inguruan Donostiako Plaza Berrian.
2026/04/18
APIRILAK 25, Baionan Kantuzen 29. urtebetetzea
Baionan Kantuz ekimenak bere 29. urtemuga ospatuko du apirilaren 25ean. Asteburu horretan Xingar feria iragaiten da eta horren gozatzeko aukera dukegu arratsaldean. Xingar feria denez, jatetxeetan lasaiki bazkaltzea ezinezkoa da, beraz Baionako Ikastolen laguntzari esker guhaurek antolatzen dugu bazkaria San Andres auzoan den Unibertsitateko jatetxean. Erreserba ezazue apirilaren 19a baino lehen. Zuen guzien errezebiltzeko gogoz gaude egun alegera eta koloretsu baten pasatzeko.
Suscribirse a:
Entradas (Atom)