Mendez mende gizartearen historian, garapen tekniko guztiak bizitzako sektore guztietara zabaldu izan dira, baita ere musikagintzara. Bere garaian, ahotsaren anplifikazioa mikrofonoen bitartez, eta instrumentu elektronikoen sorrera sekulako urratsa izan zen musikagintzan. Gaur egun berriz adimen artifizialaren inplementazioa musikagintzan bestelako aukerak eskaintzen dizkigu. Horrelako adibide bat, Gernikatik iritsi zaigu Josu Erezumaren eskutik. Hemen duzue bera bidalitako adibide bat; Txirritaren bertso zaharrak hartu, eta adimen artifizialaren "kokteleran" sartuta, emaitza harrigarria lortuko dugu, kantu berria eta modernoa entzuteko aukera izango dugu. Hemen duzue Txirritaren "neska zahar bat tentatzen" bertso musikatuen bideoa, eta ondoren, adimen artifizialaren aplikazioa erabiliz sortutako bertsio berria.
Baliabide tekniko berrien onurak harrigarriak eta ikusgarriak izanik ere, aplikazio hauen erabilerak hausnarketarako tartea ere emango digute. Milesker Josu zure esperientzia gurekin konpartitzeagatik. Jarraituko dugu.
No hay comentarios:
Publicar un comentario