BIDEOA: Lizarra kantuz saioa abuztuaren 5ean

 

Oroimen historikoa: "KANTU BAT ASKATASUNARI" ekimenak datorren ABUZTUAREN 27an, Donostiako gertaerak ekarriko ditu gogora.

130 urte beteko dira... 1893ko abuztuaren 27an, Espainiako Guardia Zibilak hiru donostiar hil zituen tiroz, Londres hotelaren kanpoaldean, Espainiako presidente Parxedes Mateo Sagastaren aurkako Gamazada edo Sanrokada herri altxamenduan: Justo Perez, Rufino Azpiazu Etxeberria eta Bixente Urzelai. Era berean, hamar lagun zauritu zituzten, eta hamarnaka atxilotu. Bulebarreko kioskoan hasi ziren egun hartako istiluak, hainbat herritar GERNIKAKO ARBOLA abesten hasi zirenean, eta Londres hotelaren parean izan zen tiroketa (Sagasta hotelean zegoen).  Hemen duzue gertaeren KRONIKA: HITZA: "Kantu bat ASKATASUNARI"

Datorren abuztuaren 27an, 12.00etan Donostiako Bulebarren ekitaldi berezi bat antolatu da gertaera horiek gogora ekartzeko (txalaparta, musika, kantuak, dantza, oroigarriak,...). Ondoren KANTUJIRA batekin amaituko da eguneko egitaraua. 

Oroimen historikoa: 1936ko abuztuaren 15ean gertatu zen... eta kantu bihurtu.

 

1936ko abuztuaren 15a zen, egun horretan frankistek Larragan sartu eta 14 urteko "Maravillas" izeneko neskato gaztea, bortxatu eta hil zuten bere aitarekin batera. Gertaera horiek kantu bihurtu dute bai Fermin Balenziak, baita Gorka Urbizuk...

Hemen duzue gertakizunen informazioa: ARGIA: Larragako "Maravillas"

BIDEOA: Leatxe Kantuz abuztuaren 12ko kantujira.

 

"MATALAZ", kantaren historia Jean Louis Davanten eskutik

 Jean Louis Davantek aitortu du berak idatzi zuela MATALAZ kantua, 1970ean. Uztaileko "Enbata"-n agerrarazi du berria, 53 urte geroago. Matalazen azken hitzei buruzko aitorpenak ere egin ditu, orain arte zezagunak zirenak. 

Hemen duzue BERRIAn argitaratutako albiste osoa: MATALAZ kantaren historia

Abuztuak 24 eta 26, BILBO KANTARI alde zaharrean, Bilboko Aste Nagusian.

 

Bilboko Aste Nagusia ate joka dugu, eta hemen dituzue BILBO KANTARI antolaturiko hitzorduak: Datorren abuztuaren 24an osteguna, arratsaldeko 19.30ean izango da lehen kantujira. Ondoren, abuztuaren 26an, zapatua, arratsaldeko 19.30ean abiatuko da bigarren kantujira. 

Bilboko Aste Nagusiko EGITARAUA: BILBOKO ASTE NAGUSIA 2023ko EGITARAUA

Donostiako ASTE NAGUSIAN, Abuztuak 16, "Flamenkatik" abiatuta PIRATEN KANTUJIRA eta abuztuaren 19an ohiko KANTUJIRA, 12.00etan Elkar dendatik abiatuta.

 Hemen duzue PIRATEN EGITARAUA: DONOSTIAKO PIRATAK 2023ko EGITARAUA

BIDEO: Gasteiz Kantuz 2023ko JAIETAN.